16.05.2018
Jomard Publishing nəşriyyatının NEW DESIGN IDEAS jurnalının növbəti sayı çapdan çıxıb. Jurnal təxminən bir il bundan qabaq təsis edilsə də, nəşriyyatın apardığı məqsədyönlü fəaliyyətin nəticəsi olaraq artıq bir neçə beynəlxalq elmi bazaya daxil olmuş və dünyanın dizayn elmi mühiti tərəfindən ciddi elmi nəşr kimi qəbul edilməyə başlamışdır. Baş redaktoru Türkiyənin Səlcuq Universitetinin professoru Məzahir Ərtuğ Avşar olan, ingilis dilində nəşr edilən Jurnalın Redaksiya Heyəti dizayn nəzəriyyəsinin müxtəlif sahələrində çalışan və dünyanın müxtəlif ölkələrini təmsil edən alimlərdən təşkil edilib.
Jurnalın birinci sayında Böyük Britaniyadan, Tükiyədən, Xorvatiyadan, Malaziyadan, Kolumbiyadan, Honq-Konqdan, Rumıniyadan olan müəlliflərin məqalələri çap edilmş və mütəxəssislərin ciddi marağına səbəb olmuşdur.
Bu günlərdə çapdan çıxmış ikinci sayda ABŞ-ın Texas Universitetinin poressoru Nikos A. Salingarosun “Qloballaşma erasında social-mədəni idientiklik”,Türkiyənin Səlcuq Universitetinin dosenti Tülay Gümüşerin “Tekstil incəsənətintə ənənəvi batık sənətinin müasir interpretasiyası: Türkiyə nümunəsi”, AMEA-nın professoru Gülrəna Mirzə Qacarın “Qacar stili incəsənətdə Azərbaycan incəsənət mədəniyyətinin fenomeni kimi”, Serbiyanın Novi-Sad Universitetinin professoru Radivoje Dinuloviçin “Tamaşaların səhnə-arxitektura dizaynı: Praqa Quadrennia teatrı dünyadakı daimi dəyişikliklərin güzgüsü kimi”, Rumıniyanın Cluj-Napoca Universitetinin professoru Daniela Margareta Chioreanın “Simvolların dinamikası və onların reklamda funksiyaları” məqalələri çap edilib.
Biz ümid edirik ki, bu məqalələr mütəxəssislər üçün maraqlı olacaqdır.
Jurnalın tam sayı ilə
http://jomardpublishing.com/journals.aspx?lang=en&id=10&menu=8&info=
linkində tanış olmaq olar.