28.11.2024
Jomard Publishing Scopus ofisindən Advances in Biology & Earth Sciences jurnalının qiymətləndirmə prosesinin artıq başa çatdığını təsdiqləyən rəsmi məktub alıb. Scopus Məzmun Seçimi və Məsləhət Şurasının (CSAB) 26 noyabr 2024-cü il tarixli qərarı ilə jurnal tam qiymətləndirmə prosesindən keçmiş və Scopus bazası tərəfindən indekslənmək üçün qəbul edilmişdir.
Advances in Biology & Earth Sciences jurnalı 2016-cı ildə Jomard Publishing nəşriyyatı tərəfindən təsis edilib və indiyədək onun xüsusi buraxılışlar da daxil olmaqla 25 sayı nəşr olunub.
Jomard Publishing nəşriyyatı adından biz dərin elmi məzmunlu məqalələrinə görə bütün müəlliflərə, ciddi hesabatlarına görə rəyçilərə, jurnalımıza göstərdikləri marağa görə oxuculara və zəhmətlərinə görə texniki heyətə təşəkkür edirik.
İnanırıq ki, Scopus bazasında indeksləşdirmə müəlliflərimizin və oxucularımızın coğrafiyasını əhəmiyyətli dərəcədə genişləndirəcək və jurnalın performansının yüksəldilməsinə töhfə verəcək.
Jurnalın Scopus bazasında qiymətləndirilməsi linki
https://suggestor.step.scopus.com/progressTracker/?trackingID=469562A7EE8D7817